Oldal 224 [224]
1390
1395
1400
1405
1410
1415
1420
1425
Exemploque mei toto concurritur orbe.
Inarimen credas ruptoque Typhoea fundo
Antiquum spirare nefas, et Erinnyas imo
Materiem miscere chao, sitit arma, cruenta
Tellus, et consanguineis flagrat impia bellis,
(Infandum) venient tacito pede, vana sit augur,
Sed venient graviora fide, mundoque nocenti
Una lues, solus cunctantia fata moratur
Bathoreus, dum se civili sanguine miscet
Europae furor, et rabidi trux ira Gradivi.
Permutat solas nondum bene saucia merces
Ausonia, incumbit sociali Belgia bello,”
In sacra ius gladii male cauta Britannia vertit,
Gallus amat, nova quaerit Iber, Alemannia potat.
Ast ego cassa mei iampridem accisaque rerum,
Gentibus exemplum, diro data victima Turcae
Prostituor, totoque (nefandum) prodigor orbe:
Europae fideique pudor, tuus ille lacertus
Nonne pudet, pars militiae fidissima sacrae [D7]
Relligio, iurata tuae pietatis alumna.
Externosque utinam tantummodo passa nocentes
Hoste premor gemino, quot heros tot nacta latrones,
Impingat seu Turca latus, seu tristior illo
Militibus sim praeda meis, audire querelas
Et differre sat est, anceps qua parte timendum
An sociis an ab hoste magis, divellor utrinque
Nec domini secura mei, qui perdidit, hostis
Tento fidem, veluti medicatae Telephus hastae
Passus opem, fiunt digna atque indigna relatu,
Conditio facit immemorem, crimenque ferendo
Ulciscor, pudet insuetas tot frendere voces,
Solius mea lingua iacet. Si forte requiro
Tot dominos, aut huc illuc interprete longo
Detrudor, vel concilio deludor inani.
Saepe patrocinio, non intellecta, nefandi
Raptoris furisque mei, (sic urget egestas,)
Ne videar nil ausa nocens, tolerare parata,
Subiicio ius omne mei. Vix sobrius unus
Hesterni foetore meri, tot atrocia solus
Obstipo librat cerebro, videoque proboque,
222