Oldal 223 [223]
1350
1355
1360
1365
1370
1375
1380
1385
Ipse pater glauca velatus arundine frontem
Ausus erat proferre caput, sesegue videndum
Danubius praebere tibi, dominogue cruentas
Ostentare genas, et cornua flere retusa. [D67]
Tunc etiam indocilis coeli convexa tueri Ungaria.
Ausa est semirutos pudibunda attollere vultus
Ungaria informique tremens erepere busto
Aspectu fruitura tuo, reducemque videre
Natum, dilectique novo gaudere triumpho.
Nondum passa virum, sed iam matura virago
Tristis, inexpletum lachrymans, et vulnere crebro
Tota patens, luctuque genas effossa madentes
Semineci lugubre gemens apparuit ore.
Tecta femur scissa laterum tenus horrida laena,
Nuda caput, centone rudi pedis occulit ima,
Illinc Threiicius cervici impendet acinax,
Hinc accincta fugae proprio male provida damno
Austria, subsidio protendit inutile ferrum.
Ilicet ingenti vix eluctata dolore
Vitam inquit mea lux inopinaque gaudia portas
O veterum bene nota patrum pulcherrima proles,
Bathoree, agnosco cultus, habitusque meorum
Sic se durus adhuc, et nondum degener Hunnus
Extulerat, sic armipotens impegit in orbem
Attila, sic geminos sub iura redegerat axes.
Ut te post gemitus et inenarrabile vitae
Ludibrium, post excidia opprobriumque meorum
Accipio amplectorque libens, sine fraena furori
Laxet amor, patere amplexus, longoque parentem
Exsatia desiderio. Nunc si qua Deorum
Est pietas, nunc nunc crudelem abrumpite vitam.
Nunc non pigra mori, nunc fortunata iacebo. [Der]
Dum te chare puer miserae solatia matri
Indulgent saevos paulum miserata dolores
Numina, ne fato superem tam dira nocendi
Materies, et iniqua novis occasio poenis.
Felices alios fortunatosque malorum
Eventu qui damna fovent, Divosque nocentes
Spe redimunt, me nil nisi si commune periculum
Refficit, et socii sperem commercia casus.
Mutua fraternas agitat discordia gentes,
221