Page 151 [151]
1745
1750
1755
1760
1765
1770
1775
1780
1785
Discludens vetitos belli cruor egit in amnes.
Quis credat? quoscunque truci servavit ab ense
Cura pii ducis, hos dono locuplete refectos
Restituit patriae indemnes, iurataque castra
In cineres iugulumque suum, sic nobilis ira,
Magnanimus sic urget honos, per tela, per enses
Protexit clypeo, et letalem militis ictum
Excepit, meritaque hostes a morte redemit.
Ecquis erit Brutus, Stephani qui sceptra recuset?
Quisve Cato te Rege Regi servile putabit?
Ante preces offers veniam, qui diligit hostem
Quid faciet civi? parcit qui sontibus ultro
Laedetne immeritos? qui vult servare nocentes,
Defendetve suos? hoc iudice crescite leges,
Vivite virtutes, adolesce scientia, Musae
Surgite, procedant artes, reviviscite iura
Turpis ab innocua fugiat procul ambitus aula.
Et iam fama viri totum vulgata per orbem
Emerita, aeternos iter affectabat ad ignes
Sat secura sui, patriam charosque penates
Explevit meritis, populos ad iura redegit
Imperio prior ordo redit, iam curia patres
Vaellat, et invento gaudent lictore secures.
Cedunt arma togae vis legibus, ultio crimen
Non praeit, invitum nil est, iniuria rara
Noxa silet, crudae compressa licentia morti. 136
Ius unum est cunctis, urbes, fora, compita, villae
Festa pace virent, gaudet tranquillus arator
Palmite iam vites, farra iuvenescere sulcos
Nil hostile timet pastor, nec Turcica collo
Lora, sed aprici recubans sub fornice saxi,
Aut simplex melos, aut veteres syringe labores
lubilat, aut securus humi furumque luporumque
Exigit optatos tranquilla per otia Soles,
Quae modo solicito vix respirabat ab hoste
Pannonis indulget genio, et cum ferrea currat
Secla aliis, huic laeta net aurea tempora Clotho,
Quin etiam huc magni terrarum ex omnibus oris
Gavisum Venere viri, quos aurea lassos
Pax iuvat, et longi presserunt taedia Martis,
Sedibus ut saltem, et communi pace virerent.
149