Page 350 [350]
e) Általános fegyveráldás
Benedictio armorum in communi
COL 1798, 362—363.
Ponuntur super mensam, vel altare, vel ab aliquo tenentur.
Vers. Adjutorium nostrum in nomine domini. Resp. Qui fecit caelum et terram.
Vers. Dominus vobiscum. Resp. Et cum spiritu tuo.
Oremus
Signaculum et benedictio Dei omnipotentis Pa+tris, et Fi+lii, et Spiritus + Sancti
descendat super haec arma, et super induentem, quibus ad tuendam justitiam
induatur: rogamus te Domine Deus, ut illum protegas et defendas, qui vivis et
regnas Deus per omnia saecula saeculorum. Resp. Amen.
Oremus
Deus omnipotens, in cujus manu victoria plena consistit: quique etiam Davidi ad
expugnandum rebellem Goliath vires mirabiles tribuisti, clementiam tuam
humili prece deposcimus, ut haec arma almifica pietate bene+dicere digneris, et
concede famulis tuis (vel famulo tuo) eadem gestare cupientibus, ut ad munimen,
ad defensionem sanctae matris ecclesiae, pupillorum et viduarum, contra
visibilium et invisibilium hostium impugnationem, ipsis libere et victoriose
utantur. Per Christum dominum nostrum. Resp. Amen.
Aspergatur aqua benedicta, si ad unum tantum spectent, ponitur in singulari.
349