Oldal 328 [328]
80
85
90
95
100
105
110
115
Splendida gua Bitczae tecta videnda patent.
Continuos ubi tres heroum cara per annos
Pignora formasti non sine laude virum.
Omnes unanimi testati mente fuerunt,
Quod tibi sit tantus iure ferendus honos.
Nam Paulus dotes quas in pastore requirit,
Ingenio radiant lucida ut astra tuo.
„Sobrius invigilans, doctus, pariterque modestus,
Doctrinaeque tenax verbera dira cavens,”
Turpis avaritiae detestans pectore crimen,
Integer annorum iudicioque gravis.
Inque pio maneat constans sermone bonique
Perpetuo retinens conscia corda viri.
Id superest dulci ut laeteris coniuge tantum,
Pastorem quam vult Paulus habere bonum.
Pace tua sed enim fas sit mihi dicere, debes
Et tu coniugii foedus inire sacri.
Has propter dotes animi, laudandaque dona
Ille ministrorum te sacer ordo colit,
Singula quid memorem doctorum nomina? Quorum
Prosequitur summus te, Nicodeme, favor,
Anxia filiolum veluti discere mater,
Dum videt in longas difficilesque vias.
Absentis semper luctatur imagine nati,
Sive dies noctis, seu venit umbra nigrae,
Plurima sollicita dum cernit mente pericla,
Quorum saepe miser multa viator habet.
Fatalem metuens obeat ne quandoque mortem,
Hospes et ignota ne tumuletur humo.
Intereaque bona spe se sustentat et illum
Qualibet expectat posse venire die.
Sic ingens tangit Colacinum cura viarum
Quis status et vitae sit, Nicodeme, tuae,
Te comitabatur iuvenum stipante caterva,
Declarans animum signa per ista suum:
Lucida tunc puras tollens ad sidera palmas
Te, affatus superos sic abeunte fuit.
Angelici praesens tibi sit custodia coetus,
Illic salvus eas, salvus et inde redi,
Quos igitur plausus et gaudia quanta parenti?
326