Page 295 [295]
60 Pauper, nec refugit culmina scandere
Ad quae difficilis semita sit licet,
Quam per delicias non datur ingredi.
Clio.
Est ingens amor in bonos parentum
Semper filiolos et obsequentes,
65 Quales qui genuit pater beatus
Felicissimus estque prorsus ille,
Sed paucos nimium solet beare.
Natorum pietas pios parentes,
Nam natura manet prioris omnes,
70 Peccatrix hominis maligna natos,
Haec contra Dominum Deumque peccat,
Caros saepius haec movet parentes.
Thalia.
Ut Deus mundo facilis maligno
Parcit ingentes miserando culpas,
75 Si graves deflent, homines dolentque
Pectore lapsus.
Sic iubet nostris etiam remitti
Proximis peccata domesticisque
Nempe laudatam cupientibus iam
80 Ducere vitam.
Euterpe.
Omnibus est vita sors haec communis in ista
Ut peccata patrent.
Filius offendit pravus saepissime patrem,
Matrem nata piam.
76 Pectore lapsus] Ov. ars. 3, 745.
293