Page 231 [231]
105
110
115
120
125
130
135
Restituis, salve communi nate saluti
Bathoraee, aeternum Boreae patris ornamentum.
Acta patrum novi Romanaque bella recordor,
Persidas, et bellax Macedo quae contudit arma,
Assyrios licet, et bello tremefecerit Hebrum
Fama prior, Medos, et inermem fregerit Indum,
Quos hostes, quae bella tuis aequaverit actis?
Tu non Armeniam ferro, mollesque Sabaeos,
Sed Scythiam Tanaimque domas: quae gloria Romam E3"
Altius evexit? non victi gaza Philippi,
Non Arar, aut Rhenus, domiti sed gloria Daci,
Materiam semper virtus his rettulit oris:
Sic Italus Gotthis, sic Hunno Gotthica laurus
Cessit, atrox odiis civilibus occidit Hunnus.
Exulis unius triplici vix consule castra
Sparsa refert, veri licet insidiosa vetustas,
Militis et ducis officio tu functus, eodem
Tempore naturam et magnum tibi subiicis hostem.
Nunc ego pro populo, pro libertate recepta
Quid voveam tibi summo ducum, quae gratia restat?
Sufficiat dixisse mihi: Tu maximus ille es
Humanae probitatis apex, tutela Livonum,
Quo se perfectam virtus agnovit in uno.
Podollia.
Quid toties Scythicos experta Podollia motus
Quid dicet? nisi Bathoreo se vindice tutam
Stagna per Euxyni dominam septemflua Ponti
Vincere, et hostili solitam ditescere praeda.
Quem non ulla prius poterant defendere septa,
Non fuga, non latebrae, nunc indefensus arator
Hostiles invertit agros. O sera Deorum
Sed ventura tamen gressu vindicta silenti, E4
Usque secuturos toties ultura nepotes.
Transilvania.
Hinc fera Carpathias impellens vertice turres
Terribilis galea, atque ingenti nixa sarissa
Dacia sic. Longo iam semisepulta veterno
Torpueram, et belli vetus ille refrixerat ardor,
Per te nunc iterum video Corvina reverti
229