Seite 228 [228]
OCR
10 15 20 25 E 5. Magnifico Domino Paulo Giulano: Serenissimi Poloniae Regis Stephani Secretario: Integerrimo, Intimo etc. Patrono ac benefactori suo magno: Libellum hunc animi grati primitias: Dat dedicatque, Author Franciscus Hunniadinus. Aula Cardinalis Illust[ris}] Regem venientem alloquitur. Tot votis optata dies, dilataque longum Venisti tandem, qua te fortissime Regum Accipio, et toties optato perfruor ore. Iam tandem satia te mens, amplectere dextram Qua fortes cecidere Scythae, prosternere supplex Ante caput sacrum, et patriae venerare parentem. Salve igitur nostris verum decus addite seclis Virtutis vivum exemplar, ter maxime Regum: Salve iterum quo perdita res moderante resurgit, Inque potestates se vindicat Arctos avitas, Et magnis iterum tua Dacia cingitur orsis, Hoccine tam magni populi servator et author Cuius virtuti vastus vix sufficit orbis Clauderis hospitio? Nunc quicquid pace vel armis E Gessisti egregium, parvo lare tam brevis aula Complecti videor, totius et hospita mundi Sarmatiam, et magnum hospitio accepisse Bootem. Cerno triumphantes regni te vindice fines, Primague victrici praecincta Polonia lauru Tali te dominum compellat blanda salute. Polonia. Quo duce barbaricos temno secura furores, Huc ades o mea vita, meae vis una coronae Ut Sol immensum radiis illuminat orbem Corporis exhaustos anima cor ut irrigat artus, In cunctos mare perpetuum venas agit amnes; Sic tu vita tuis, te Rege Polonia regno 226
