Page 127 [127]
885
890
895
900
905
910
915
920
212
Iustitiae complere modum, non sufficit ingens
Iuppiter ad poenas, his saevi vulturis unguis
Immortale iecur tundit frustratur at illos
Unda fugax, hos futile vas, casurave moles:
Hos reditura silex, orbisve volubilis urget;
Igneus hos Phlegethon flammanti sulphure lambit,
Ah quam execrantur vitam, et convicia ructant
Dira deis, vellentque mori, sed fata recusant.
Et nunquam, et semper vivunt non ulla dolores,
Horarum momenta levant, his sedibus illos,
Damnavit sancti lex intemerata Tonantis.
Et merito me neglecta, te nempe secuti,
Proiecere animas ultro, non talia lucra
Stulti non tales habituri, me duce vitas.
I nunc, atque absolve reos, i vincla Voluptas
Deme tuis, satia fallaci Tantalon unda,
Pelle Prometheas volucres, Ixiona laxa,
Eripe anhelantem saeva Salmonea flamma,
Fratrinecas Danai nuptas cassumque laborem
Aeolidae pensa requie, videri hic quoque Virtus:
Quid valeat, quantum, et terris dominetur, et orco.
Nonne ego tot quondam poenas miserata tuorum,
Post mare, post terras ut opem sentiret Avernus 105
Instructum clava Alcidem, ut cessit Amazon:
Ut leo, bos, sus, equus, cerva, hydra, avis, umbra tricorpor
Demisi ad inanes imos, tunc ille trifaucem
Cerberon obtrivit, religatum Thesea solvit,
Terruit, et nigrum sterili cum coniuge Regem.?”
Desine mendaci virtutem incessere lingua,
Quod Regina fuit tercentum, atque amplius annis:
Pannonia armipotens, famamque extendit Olympo
Autor erat Virtus. At postquam ignavia mentes
Dissolvit, sensimque hominum communis Erinnys
Degener irrepsit pulsa Virtute Voluptas,
Propitii fulgere Dei, vix angulus unus
Virtuti cessit, putris omnia torpor habebat,
Regnabant Veneres, et tu tener Euie et ira,
Gnata Voluptatis, dissensio, iurgia, lites,
Hydraque centenos diffuderat impia rictus.
Dum iugulis instat, dum trux quatit oppida Turca
125