Page 120 [120]
OCR
665 670 675 680 685 690 695 700 Accede et nostro iam primum assuesce choreis In gremio, me nuda Venus, Charitesgue coronant, Me comitatur heram iugi pax alma tenore. Illa ego sum, cui tot vitae tot secla laborant, Dulcis odos aethrae, venerabilis unio rerum, Pax hominum qua Sol animat qua concipit orbis, Conceptosque fovet faetus, ego misceo sacris Coniugiis elementa, arcanaque foedera iungo, Quae varias postquam in species miscella redegit, Hinc hominum vitae, hinc volucrum, formaeque ferarum Et quae marmorei verrunt vada caerula Nerei 97 Sacra voluptatis, servant rata foedera Divae, Haec ne trux Virtus, et avarum diruat aevum, Impleo vi gravida, et facundos insero rores, Unde tot annorum soboles, unde inclyta gentis Tu quoque Bathoreae nondum matura propago, Et genitus, geniture alios, sic consulo rebus Fida altrix sic regna parens; propugno caduca. Illa ego cui coelum, furvi cui regia Ditis, Militiaeque ducum parent, cui belliger ensis: Sarcula, rastra, bidens, falces, ligo, vomer, aratrum, Pro me navi fricat,'”' sulcat mercator abyssos, Pro me Sidoniam sub tauro Iuppiter albo: Fur rapit Europen,'”” Asopida decipit igni, Impluvio Danaen, et quid Iove maius habetur. Pascit Apollo gregem, Vulcania vincula Mavors, Ludibriumque Deum patitur, vaga Cynthia nudum, Endymiona polo praefert, veteremque cicadam Dignatur roseo praegnans Aurora cubili. Alcides infanda patrat, prorupit Averno Rex niger, ad Seras propter me ad Bactra cucurrit, Magnus Alexander, pro me Pagasaeus Iason: Iussa subit fratris, metuendaeque vellera legit, Nempe ut secura reliquum mihi viveret aula. A me quid gustat, tangit, videt, olfacit, audit, Vester habet sensus, fragilisque tot organa vitae. Defugiesne bonum, quod Diique hominesque sequuntur? Dum licet exulta, et praesentibus utere Divis: Dumque anni fragiles, atque invidiosa vetustas, Nondum aevi meliora rapit, mox fabula vulgi 98 192 118
