Page 107 [107]
185
190
195
200
205
210
215
220
Mercurium sua penna vehit Tritonida pardus,
Saturnum cancri, dominam Saturnida pavi.
Neptunum balaena senem, vaga cerva Dianam,
Luna boves urget, Ditem vehit acer Alastor,
Mulciberum salamandra Fabrum, terraque poloque
Maiores venere Dei, qui fata gubernant
Bis deni rerum domini, venere minores,
Quos arbor, fluvius, mons, fons, nemus, aequora, rura
Diversis coluere sacris. Venere secreti
Indigetes, cycnos gemini iunxere Lacones,
Flora premit zephyros, bigas insedit Enyo,
Solis avem custos aeterni nectaris Hebe
Conscendit Iovis ales agit Ganymeden amatum.
Venit et ad terras felix Astraea relictas,
Quam laeva turtur, fert iuxta ciconia dextra,
Alcidem sua monstra vehunt, pars caetera divum
It pedes, ut tetigere sacri cunabula Regis,
Quod sors cuique dedit, Divo pia dona recenti
Certatim accumulant. Cingit diademate crines
luppiter, et sceptro rex regem illustrat eburno.
Dat pater ingenium puero Saturnus, et altum 80
Consilium, bifrons promittit saecula Ianus,
Neptunus maris imperium, spolia ampla Diana
Consortem Lucina'*' tori Berecynthia prolem,
Sol annos, Gradivus equos, Cythereia leporem,
Virtutes Pallas, celebrem Saturnia famam,
Uber agri faecunda Ceres messemque beatam,
Optatum genius votum, Bronteia tela
Vulcanus, Dis divitias, dat spicula Phoebus,
Eloquium confert Hermes adamantidaque harpen.
Donat Hydaspaeis ornatam nebrida gemmis
Vite beans Bromius. Promissa assensibus implent
Indigetes et turba minor dant foedera fratres
Unanimemque fidem. Spondet Bellona triumphos,
Alcides animos infractaque pectora bello.
Dat gladios Astraea truces iustamque bilancem,
Aureolas dat Flora rosas, dat nectaris haustus
Iliades, pueroque puer pia basia iungit.
Dat ver aeternam et viridem sine fine iuventam
Diva gubernatrix longaevi nectaris Hebe.
105