Oldal 31 [31]
330
335
340
345
350
eximias debent Germani, Pannones omnes.
Tu, pater afflictae patriae, duce et auspice Christo,
perge, o aeternum nostris a finibus hostem,
longius arcere e patria, fortissime vindex!
Perge tuis faustis nunc nunc insistere fatis,
O Generose Baro praeclaro sanguine cretus!
Ecce decus nomenque tuum laudesque perennes
posteritas noscet, surgent et ad aethera caeli.
Ipse vides quanta Magnus cum laude canatur!
Quis non concelebrat Pompei fortia facta?
Ipse vides Hector quanto celebretur in armis
carmine: letifero Troiae quod vulnere laesus
fortiter occubuit, qui saepius agmina Graium B3"
fuderat, et clava deiecit corpora leto.
Aspice Marcellum magno turbante tumultu,
gui rem Romanam stiterat, Gallumgue rebellem
straverat, arma lovis suspendens tertia templo
laus eius, nomen quam sit memorabile nostri.
Hanc tibi concedat laudem ter magnus Apollo,
aut potius Christus, Deus optimus, inclite Ductor!
Hos cape virtutis socios, ne desere coepta,
Nec dubita letum vera pro laude pacisci,
O Heros praestans, priscae et virtutis imago!
30