Page 403 [403]
bus ad se in desertum venientibus, ut neminem concuterent, sed propriis conten¬
ti essent stipendiis, dici fecisti; clementiam tuam supplices exoramus, ut sicut
David puero tuo Goliam superandi largitus es facultatem, et Machabaeum de
feritate gentium, nomen tuum non invocantium, triumphare fecisti: ita et his
famulis tuis, gui pro justitia et veritate ad bella procedunt, pietate caelesti vires
et audaciam ad fidei et justitiae defensionem tribuas, et praestes eis fidei, spei et
charitatis augmentum. Da eis Domine, tui timorem pariter et amorem, humilita¬
tem, perseverantiam, obedientiam, et patientiam bonam, ut neminem injuste
laedant, sed omnia justa et recta defendant, te timeant et recte colant, perfido¬
rum consortia vitent, suam in proximum charitatem extendant, praepositis suis
in omnibus recte obediant, et suum in cunctis juste officium exequantur. Per
dominum nostrum Jesum Christum filium tuum, qui tecum vivit et regnat in
unitate Spiritus Sancti Deus, per omnia saecula saeculorum. Resp. Amen.
Oremus
Omnipotens sempiterne Deus, super hos famulos tuos, qui pro gloria tua et
propugnatione justitiae ad bella procedunt, gratiam tuae bene+dictionis infunde,
et eos dexterae tuae virtute fretos fac contra cuncta adversantia caelestibus
armari praesidiis, quo nullis in hoc saeculo tempestatibus bellorum turbentur,
sed te auxiliante hostibus suis fortiores evadant. Per dominum nostrum etc.
402