Oldal 217 [217]
In illo tempore: Ingressus Jesus perambulabat Jericho, et ecce vir nomine Za¬
chaeus [...] ILuk 19]
R. Laus tibi Christe
Deinde benedicat imponendo thus ad thuribulum hoc modo, et incensabit do¬
mum.
Per intercessionem beati Michaelis archangeli stantis a dextris altaris incensi, et
omnium electorum suorum, incensum istud dignetur Dominus bene+dicere, et
in odorem suavitatis accipere. Per Christum dominum nostrum. Amen.
Deinde incipit incensare portam domus, inde vertit se ad orientem, ad meridiem
septemtrionem et australem, ultimo ad occidentem plagam dicendo haec verba.
Incensum istud a te benedictum ascendat ad te Domine et descendat super nos
misericordia tua.
Finita incensatione subjungit
V. Dominus vobiscum
R. Et cum spiritu tuo
Oremus
Visita quaesumus Domine habitationem istam et omnes insidias inimici ab ea
longe repelle, angeli tui sancti habitent in ea, qui nos in pace custodiant, et be¬
nedictio tua sit super nos semper. Per Dominum nostrum Jesum Christum filium
tuum, qui tecum vivit et regnat in saecula saeculorum. Amen.
Ultimo domum et habitatores ejus benedicat in hunc modum dicens:
Benedictio Dei omnipotentis Patris+, et Filii+, et Spiritus + Sancti descendat
super hanc domum et omnes habitantes in ea, et maneat semper. Amen.
Crux sancta + ducat et reducat vos in pace, crux sacra + luceat vobis in charitate
Christi, crux benedicta + defendat vos ab omni contagione morbida, custodiat
ab omni incursu malorum, protegat vos ab omni exitiali plaga per intercessionem
et merita beatissimi Patris nostri Benedicti et omnium sanctorum. Amen.
216