Seite 197 [197]
b) Új templom vagy oratórium
Ritus benedicendi novam ecclesiam, seu oratorium publicum, ut ibi sanctissimum
missae sacrificium celebrari possit
STR 1625, 198-203.
Sacerdos novam ecclesiam de licentia episcopi benedicturus, ut in ea divinum
sacrificium missae rite celebretur, stola ac pluviali albi coloris indutus, aliquot
sacerdotibus et clericis adhibitis, praelata cruce media inter duos clericos defe¬
rentes cereos accensos, mane procedit ad primariam ecclesiae vel oratorii januam;
ubi stans capite aperto, conversus ad eam, dicit absolute orationem.
Actiones nostras, quaesumus Domine, aspirando praeveni, et adjuvando prose¬
quere, ut cuncta nostra oratio et operatio a te semper incipiat, et per te coepta
finiatur. Per Christum dominum nostrum. Amen.
Deinde inchoat antiphonam. Asperges me Domine, etc. et clerus alternatim di¬
cit Psalm. Miserere mei Dei ut supra fol 132. in fine Gloria Patri. Interim circum¬
dant exterius ecclesiam, (quae intus debet esse vacua et nuda, et pariter altaria
nuda, excluso populo, donec absoluta sit benedictio;) et sacerdos, accepto asper¬
gillo ex herba hyssopi ad ejus dexteram se convertens, parietes ecclesiae in supe¬
riori parte, et in fundamentis, cum aqua benedicta aspergit dicens: Asperges me
Domine hyssopo, et mundabor; lavabis me, et super nivem dealbabor.
Reversi ad locum unde processio initium habuit, repetita antiphona a clero, sa¬
cerdos stans ut prius versus ecclesiam, dicit: Oremus. et ministri: Flectamus ge¬
nua. Resp. Levate.
Oratio
Domine Deus, qui licet caelo et terra non capiaris, domum tamen dignaris habere
in terris, ubi nomen tuum jugiter invocetur: locum hunc, quaesumus, beatae Ma¬
riae semper Virginis, et beati N. omniumque sanctorum intercedentibus meritis,
sereno pietatis tuae intuitu visita, et per infusionem gratiae tuae ab omni inqui¬
namento purifica, purificatumque conserva; et qui dilecti tui David devotionem in
filii sui Salomonis opere complevisti, in hoc opere desideria nostra perficere digneris;
effugiantque omnes hunc nequitiae spirituales. Per dominum nostrum, etc.
Qua finita oratione, omnes bini in ecclesiam intrantes ad altare majus procedunt,
litanias decantantes; quas vide infra, in processione litaniarum majorum. Ubi
196