Page 185 [185]
Exorcismus
Et ego peccator et Christi sacerdos, seu minister, licet indignus, authoritate et
virtute ejusdem Dei et domini nostri Jesu Christi, summi imperatoris, non mea
potentia innixus et confisus, vobis praecipio immundissimi spiritus, gui has
nubes seu nebulas concitatis, in virtute ejusdem Dei domini nostri Jesu Christi +
per S. S. ejus incarnationem, per sanctam nativitatem, per baptismum et jeju¬
nium, cru+cem et passionem, per sanctam resurectionem, per admirabilem as¬
censionem, per tremendum adventum ejus et judicium; per merita intemeratae
semperque virginis Mariae et sanctissimi patris Benedicti, hujusque ecclesiae
patroni divi antistitis Martini et sanctorum Stephani, Ladislai ac Emerici confes¬
sorum, et per merita omnium sanctorum, ut exeatis ab eis et eas dispergatis in
locis sylvestribus et incultis, quatenus nocere non possint hominibus, animalibus,
fructibus, herbis, arboribus, aut quibuscunque rebus humanis usibus deputatis.
Per eundem Dominum nostrum Jesum Christum, qui venturus est judicare vivos
et mortuos, et saeculum per ignem. Amen.
+ Ipse vobis imperat doemones, qui has nubes movetis, de quo in nube lucida
dictum est: Hic est filius meus dilectus, in quo mihi bene complacui.
+ Ipse vobis imperat, qui sua sacratissima cruce et corporis sui sacratissimi
extensione aerem purgavit.
+ Ipse vobis imperat, qui per mortem suam vos, principem vestrum mortemque
devicit et ligavit, atque aeternis gehennae mancipavit ignibus.
+ Ipse vobis imperat, qui inferno spoliato surrexit a mortuis.
+ Ipse vobis imperat, qui post quadraginta dies nube susceptus, virtute sua ascen¬
dit ad coelum.
+ Ipse vobis imperat, qui venturus est judicare vivos et mortuos, et saeculum per
ignem. Amen.
Postea ostendat aut formet crucem in aere dicens:
Ecce signum sanctissimae crucis +, fugite partes adversae, vicit enim vos et mun¬
dum dominus noster Jesus Christus, filius Dei, imperator summus, leo de tribu Ju¬
da, radix David.