Page 331 [331]
OCR
10 15 20 25 30 35 40 Prospicit atgue pii more parentis alit. Ipsius in primis sed qui reverenter adorant Numen, habent certas ad bona multa manus. Sive novem studiis sectantur castra sororum, Officium quavis seu ratione gerunt, Ac sacra Pieridum studio qui castra sequuntur, Per varios Dominus provehit ipse modos. Scilicet his tribuens largosque bonosque patronos, Ad bona qui miseros et pia coepta iuvent. Magnificos aliis opibus nummisque parentes Dans soboli ut possint consuluisse suae, His nisi contingat mediantibus ire per artes Omnis inutilis est et sine fruge labor. Non opus exemplis hac in re pluribus uti, Docte vir, exemplo tu mihi solus eris. Cui sacra virtutis tendenti ad culmina, dives Auxilium genitor detulit ipse suum. Ast ego cum patre sim de paupere natus et aegro, Quem species morbi dira podagra premit. (Tollere quam possunt medicorum pharmaca nulla, Usque adeo est morbus quem premit iste miser.) Ingenuas nequeo sine Maecenate per artes Ire, nec Aonidum plus Helicone frui, Est gravis ad doctas, angustaque semita Musas Pauperie presso nec gradienda viro, Ergo tuam supplex pietatem, docte Ioannes, Ingenii praestans nobilitate rogo. Viginti facili mihi mente numismata solvas, Quippe meo debes quae numerare patri Ditior unde meis factus conatibus assit, Atque rudem doctos mittat adire viros Quinque bis illustris commisit Bamphius heros Reddere, praefectus cuius es ipse potens Ast alios reliquis de rebus solvere denos. Convenit, ah Georgi Chotessovine, tuis Sic tibi successu faveat fortuna secundo, Nobilis egregia vir pietate, vale. 329
