Page 270 [270]
OCR
10 10 15 Horum lite perii, sed adhuc sub iudice culpa est [F5’] Porrigit hic undam, porrigit ille merum Non satis occidisse fuit secuere peremtum. Quid visum est secto corpore? sanus eram. Consilio valui membrorum mole vigebam Artibus italicis heu miser occubui Disce meo damno cuivis non credere vitam Vis cuique in dubiis fidere? fide tuis. 48. In Stanislaum quendam Czolek Polonum perduellem Qui sanum Phalarin immansuetumque Neronem Audisti, videsne hoc non magno corpore monstrum? Vipereos mirare oculos, et felle fluentem Linguam, et gentili vorantem sanguine dextram Hic ille est pudor, ille hominum legumque ruina, Sarmatiae pirata Solek postquam ille paternas Attenuavit opes alea, decoxit honorem, Se sceleris socium, germano adiunxerat hosti, Hic ubi ventosa crevit petulantia linguae, Ausus erat Scythiam et victos promittere Dacos Atque Asiae dominum, bello contemnere turcam, O dignum furca, et non uno fuste cadaver Tunc inter fures, atque inter anilia pensa Assuetus cunnis, humilique habitare cloaca Furcifer audebis sexum infamare virilem. 49. In quendam magnificum [F5"] Cum tu nil magnum, nil parvum feceris unquam. Quorsum magnifici nomen inane geris? Errorem nosco, dubiaque vocabula vocis, Nil magnum faciens tu faciendus eris. 268
