Page 238 [238]
OCR
25 30 35 40 45 50 Non aves mulcent animum canorae, Nec nova silvae virides iuventa, Cerva nec dumis agitata, non ar- [E8°] genteus amnis. Solus es nostri medicina morbi Tu graves curas animo repellis Solis, aeternis sine te meum cor Ignibus ardet. Quid mihi prosunt epulae salubres, Quid merum? forsan animae meae pars Altera, aerumnas miser, exul, aeger Taedia potat: (Absit o) forsan vel Iberus illum Carcer absumpsit, vel iniqua vivum Servitus pressit, gemitusque flens integrat amaros Nuncius saltem miseram levaret Unicus curam: sed et unda et omnis Conticet tellus, reperit nec ullas Littera voces. Nunc peregrinos avium volatus Nunc tuo forsan venientes orbe Alloquor ventos, Zephyrique vobis flabra remitto. Daedaleas si Deus ullus alas Addat, ardentes iuvet ire contra Cardines, non me plaga fabulosi Sistat Hydaspis. Ite vos curae veteresque planctus, Ite vos saltem quibus est potestas, Moeror, et languor, gemitusque saevae [E8"] Nuncia vitae. 236
