Seite 237 [237]
10
15
20
Defensos etiam relligione beas,
Relligione beas, ergo terraegue poligue
Exornet Stephani bina corona caput.
Ut possis servare homines, te numina servent,
Bathoreo Parcae secula longa neant.
[E7]
13.
lllustrissimorum fratrum Bathoreorum mutuae
absentiae Threnos etc.
Ergo tam tristes mea vita planctus
Ducis aeternum viduata fratre,
Ergo me longis inimica damnant
Fata querelis.
Luna ter senos reparavit orbes,
Solus ignotis vagus hospes oris
Nescio quali superes iacesve
Advena terra.
Dividor mentem dubius caducam
Te super pontum, sub utrasque lustro
Cardinis metas, animumque cura
Uror edaci
Sive consuetis animum relaxem
Lusibus, seu me salibus iocosis
Inter aequales recreem sodales
Ocia captans.
Seu per umbrosos nemorum recessus
Seu ad apricae leve murmur undae
Sive concentu volucrum sonoro
Taedia fallam.
235