Page 208 [208]
795
800
805
810
815
820
825
830
Et conviva Deis tellus exultat alumnis.
Vix iter ingressis planae convexa videri
Incipiunt iuga Tirnavae, cum tendere contra
Turba virum, densaegue procul radiare sarissae.
Terribili tremit ora globo, per suda satelles
Fulgurat, et longe rutilo ferit astra flagello,
Turbati novitate rei, mox turba fideles
Iungit amicitias, mediisque in millibus heros
Visus adesse Dobo,?°® celsi nitor igneus oris
Irradiat, longeque virum reverentia prodit.
Alter ad alterius stupuit primum hospitis hospes,
Os oculosque dehinc manibus per mutua iunctis
Haerent amplexu, et chara cervice fruuntur.
Tum plaga Tirnaviae, turritaque moenia Senci
Visuntur, celsaeque impendens Nitria rupi.
Forte truces Thressa populatus clade Gelonos
Marspiter immani caput acclinabat in Haemo
Languidus, et fesso latus exarmaverat ense:
Cum clamore virum atque hinnitu excitus equorum
Bathoreum dubiae ut vidit se credere sorti,
Bellonam tali compellat voce sororem.
Quae tibi nunc soror alma animo sententia surgit?
Effera Threiicii miscent certamina Reges
Pannoniaeque manus gentes ad praelia natae.
Sanguineas acies inter mea maxima cura
Bathoreus, legit extremae imperterritus oras
Ungariae, nimius voti, fidensque iuventa.
Exi fida soror furvo caput abdita nimbo
Eoos confunde duces, et praelia conci
Armenios Persasque feri, montana pererra
Cappadocum, Turcas peregrino distrahe bello,
Dum meus hic patrias evadat sospes ad arctos.
Proruit Aemoniam dextra succincta bipennem,
Mors sequitur quacunque meat, confligere montes
Insultare feras, irataque saxa sonare.
Ipse pater gelido contra torvum increpat Haemo
Quo volucresque feraeque tremunt, radice vetusta
Velluntur tumuli, torrens nive constitit Hebrus
In glaciem, pigrumque ligat tremor Oriona
Altaque concussas pressere silentia terras.
C3" Tirnavia.
Illustris et magnifici
Dfomini] Dobo adventus.
Sentium. Nitria.
Mars de Bathoreo solicitus.
Martis ad
Bellonam oratio.
C4
206