Page 201 [201]
OCR
630 635 640 645 650 655 660 665 Strataque torrentesque natant. Tunc ora Trivisi Iam cedente die, Foroiuliaque arva leguntur. Urbis honoratae legio sanctusque senatus Excipit, et denso venientes cive coronat. Hinc rupes Coniana tuas, atque horrida dumis Saxa supervecti, fugiente Sacelia Phoebo Arva, et ferrati legimus dumeta Livenci. Incipit hic sensim felix decrescere cultus Divitis Italiae, praestantesque ubere glebae. Tunc se montanis dives Spiliberga fluentis Explicat, hinc excelsa minax iuga surrigit aether In Boream: sedet aeria trux Iosipa caute, Alpinasque aperit fauces: tunc prima laborum Moenia nativo tolluntur Avancia muro. Vindelicos laeva, Carnos et Norica dextra Continuans iuga tollit apex: immane parentis Naturae, non artis opus: non sauciat ullus Vomer agros, stat iners, nulloque domestica cultu Glarea, nunc sterilis si torrida canduit aestas: Foeda gelu si canet hyems; nil parturit illic Terra parens, nisi quod vel saxa vel educat humor Hinc subeunt mentem famae monimenta prioris Sol Rhodius, turrita Pharos, et remige Medo Velificatus Athos: natis superaddita rebus Per tumulos ars fecit iter, per inhospita currunt Tesqua rotae, patefacta suos arcana revelant Saxa sinus, veterisque patent abscondita silvae. Hinc metas Ponteva tuas, habitataque paucis Saxea regna casis, passimque inarata videmus Lustra, et praecipiti pendentes rupe colonos. Limes hic imperii tenuis strue pontis, et unda Constitit, exigui pars altera marginis, haeret Austriacis, pars Adriaco subiecta leoni. Monstrosas tandem strumosa Carinthia gentes Et steriles aperit latebras, vix tristius illo Damnavit natura solum: gens horrida cultu Clauda fide, trux ingeniis, et barbara morum. Inde brevis Trivisana, atque Artlestana teruntur lugera, et Imperii princeps sublime Vilachum. Exiguum non parte sua Diis urbe profana Impietas cessit spatium, vix hospite raro 199 Trivisium. Forum Iulii. Spilinberga. Josipa. Avancium. Alpes Carnicae. C" Ponteva. Carinthia. Trivisan. Artlestan. Vilachum.
