Page 197 [197]
OCR
520 525 530 535 540 545 550 Perpetuus vigil, atgue tuae fidissime custos Insubriae, vas electum, virtutis alumnus. ‘Tu reficis fessos longarum mole viarum, Solaris tristes, exhaustos munere ditas: [B6:] Vive beate senex sacri sacer hospitis hospes: Et paribus vos dulcis amor conglutinet hamis. Inde brevi cursu Laudensia rura remensi, Sulcamus vicina Padi, fluvioque secundo Subvecti Adriacos volucri rate radimus aestus. Tunc Veneti fines, atque invia Syrtis aditur, Venetiae. Relliquiae trux Hunne tuae, dum sanguine misces Ausoniam, et victos terra depellis in aequor. Urbis inaccessae non mons, non moenia vallant Circuitum; sed tota brevi se Syrte coronat: Altior et pediti, depressior unda carinae Munit, et aeterna saevi Symplegade fluctus. Prospicimus lato vexilla minantia ponto Marce tua, innumeraque maris vada mota triremi Miramur gentem aequoream, mirantur et illi Arctoi generis tantum decus, ut micat ardens Purpura sydereis humeris, ut dulce galerus Crine rubet: pars praecipiti ruit aequora cymba, Pars rate fluminea, tecto natat ille Liburno Summa maris, placidamque vadis eremigat undam. Qualis Threiicii grus advena gramen ad Hebri Aprico iam Vere redit, clangoribus Haemi Raucet ager, messes exercitus ales alumnas Admetit, et densa circumtegit arva caterva. Illi etiam Adriacis Princeps qui praesidet undis, Et Veneti spaciis assurrexere Quirites. Phana recensentur, Divique armaria Marci, Ordine quaeque suo. Placidi mox flumine Brentae [B6"] Visimus Euganeis antiquum Antenora muris. Padua. Medoacus qua montanis uberrimus inter, Fusus aquis vasti spatiosa volumina muri Allambit, pinguique rigat sata laeta liquore. 195
