Seite 193 [193]
395
400
405
410
415
420
425
430
435
Culta iacet calidis obnoxia flatibus Euri
Tellus; Aemiliam veteres dixere Latini:
Italiae regina, recessu dives amaeno,
Perpetui circum colles, lucigue beati,
Quos neque trux Boreas hiberna praefocat ira,
Nec Nothus amburit, viridi sed amoena iuventa
Aeolium Boream, atque hyemis ludibria ridet.
Prima gravis quondam belli civilis origo
Surgit Ariminon, Ausoniis non utile rebus,
Romana iam pace virens, postquam orbis adempti
Exsanguis longa respirat Roma ruina:
Solibus exhaustus Rubicon vix arida tinxit
Ima rotae, nulla tumidus vada sicca pruina.
Inde Sabinanum, et sancto Britonora senatu
Dives opum variarum, et sacro Praesule felix
Suscepit gremio, requies ubi plurima fessis
Indulsit. Quid nunc regalis ludicra mensae?
Quid salsos sine felle iocos, iucunda molestae
Condimenta viae, tranquillaque gaudia ruris
Expediam cantu? plus te sanctissime Praesul
Miror, in Aeolias promptum comes ire pruinas
Bathoreo, non te legati munere functum
Sancte pater saevi tenuit plaga cana Bootae.
Hinc humilis Caesena prius, nunc aemula Romae,
Per veteres spatiatur agros, cui collis utrinque
Detumet, ingentique incumbit plurimus urbi.
Vallis obit dextrum latus, et non horrida silva,
Hinc atque hinc lauru et longaeva adoperta cupressu.
Inde forum Livii civili nobile bello
Invitat lassos: excelsi nominis urbem
Nosse iuvat, cursu legimus vicina citato.
Miramur vastis eductas molibus arces,
Tectorum decus, et flavo lita templa metallo.
Spectandi studio plebes et sexus uterque
Conveniunt, veluti cum se nix plurima coelo
Deiicit, et campos aspersit cana latentes.
Silva dehinc nebulo surgens incaedua luco,
Alta Faventinae fastigia non procul urbis
Desuper ostentat: contra galeata virorum
It legio, tuba terribili crepat incita bombo:
Impellunt altas animata tonitrua turres.
191
Aemilia.
Ariminum.
Sabinlilanum, Britonora.
B4
Caesena.
Forum Livii.
Faventia.