Page 184 [184]
115
120
125
130
135
140
145
150
Omni parte minax, et inexpugnabilis, aequor
Ingreditur, iam signa sequi iam comminus ire
Certus, et horrentem rotat imperterritus hastam.
Tali conspicuum radiantis honore galeri
Ipse pater solio iamdudum fultus eburno,
Indigitans socium permisit ad oscula numen.
Tum sacro iuvenis succensus pectora zelo
Incoat unanimes tendens ad sydera vultus:
Vincite coelestes animae: iam vince volentem Oratio Bathorei.
Relligio, nec enim certo sine numine divum
Sanctorum tot vota patrum: quocunque vocatis
Fata sequor. Tu Petre fores radiantis olympi
Qui referas, te Petre voco, da dignus haberi
Parte tui quacunque gregis, tu muneris author,
Dede mihi te sancte ducem, tu pectora zelo
Reffice, coelestique obdura numine mentem.
Audierat, puerique nova pater indole laetus
Annuit, atque suae penetrans arcana cathedrae [A7]
Numen agens stetit mediis, tremuere repente
Templa suum testata Deum, sacer impulit horror
Bathoreum, micuere comae, fuditque coruscum
Lumen apex, sese totos insertat in artus
Enthea vis, premit ille sacrum quem non videt ignem
Attonitus, fruiturque Deis, ut spiritus intus
Irrubuit, tum pars homini terrena recedit,
Mortali maior species, augustior oris
Effigies, sensere Deum, genibusque voluti
Unanimes prona sanctum prece numen adorant.
Protinus ad patrias legeris praenuncius arctos
Spectate in multis Dembinii,* qui nova rerum M. Samuel Dembinius
Absenti patruo, Romanaque gesta reportes. in Poloniam nuncius.
Bathoreum rosea radiantem tempora mitra
Ad patrios remeare lares. Qua tot mala passum
Te recolam, plangamve lyra? rerumque locique
Tot casus securus obis: non saeva latronum
Concilia, aut gelidae tristis rigor obstitit Alpis.
Audacem faciebat honor, probitasque fidesque
Pro domino non pigra mori, si fata vocarent.
Nunc tua ne sero virtus intercidat aevo,
182