Page 170 [170]
OCR
2515 2520 2525 2530 2535 2540 2545 2550 Cum senibus garrire tuis, nocturnague bella Ludere et intentas precio placare secures. Linguere tela viris et praelia Martis anheli Nunc animose iace, at tu iussa capessere Divum Disce tuo exemplo Dantiscum urbs aspera, disce Iustitiam, atque Deos memores fandi, atque nefandi Dilige ius, unctumque Dei, iusta indue bella, Disce timere ducem, et divino assurgere regi. Vos, ne longa dies memori procul eximat aevo, Quinquaginta animae, quas non cita turbine cuspis Non hasta stravere virum, non masculus ensis Sed nymbus sclopporum, et quem murale tonitru Obruit heu magnae Michael tam prodige vitae, 162 Enthea si patitur virtus, vos carmine nostro Vivite, si Phryx Aeneas, si Phthius Achilles, Hic Thetidis timidus puer, ille uxorius heros Perpetuam meruere chelyn, si caecus Achillem Aeneam indigitat figulus, si fabula Troiae, Si Thebae septemque duces, fictique labores Alcidae, si vivit Hylas, Indoque vagatus Cornigeri meruit Macedo de sanguine nasci Ammonis, mendaxque invenit praemia fama, Vos vestrae maneant laudes, verisque triumphis Vivite et in longos nomen proferte nepotes. Nunc ego quae vestrae reddam praeconia famae Victores, roburne prius dextraeque vigorem An suetos duris animos et pectora mirer? Vos nec anhelanti violentis terruit igne Sirius, Hibernique truces Aquilonis hiatus, Aestivos nudi Soles, brunaeque rigorem Sub dio expertes Veneris Cererisque Lyaeique Exigitis, sueti castris, ad mollia segnes, Mansueti ante tubas facilesque ad vota leonum Exemplo, prompti ad caedem, si provocet hostis Non prece non ultra precio, non Marte nec arte Tractandi, cupidi pacis, sed viribus emptae Salvete aeternum heroes Mavortis alumni, Thymbraeo et plus quam Mantoo pectine digni: Quid molles Asiae populos, Gangemque subactum Flamus, et Eoos imbellia nomina Seras? Quos vicisse fuga est, raros cervicibus enses 168
