Page 166 [166]
2350
2355
2360
2365
2370
2375
2380
2385
Heus Pavor i volucri turmam praeverte volatu, 156 Martis oratio.
Praecipe tela mea, et recto pete praelia nisu,
Bella cie, sere monstra animis Alemannaque castra
Obscaena confunde fuga, turpesque timores
Effunde in medios, imple terroribus hostem
Cunctantem, tibi mille artes, formaeque nocendi,
Tu quoque curre fuga et iunctum comitare Pavorem
Et tu turpis abi pudor, eia impellite remos
Alarum et stulto pervertite cuncta tumultu,
Tu parte adversa stimulis maioribus urge
Pannonios vindicta truces. Heus Ira labantem
Curre iuva famam, en Virtus animosa laborat
In mediis habilemque parat Constantia parmam,
Ite citi mox funereum, novus arbiter aequor
Ingrediar, pigrasque impellam tabe paludes.
Dum loquitur, fugere Dei cum voce, Pavorque
Ante alias micat, et rapido ruit aethera nixu
Praecipitans, vix ille leves afflaverat horas
Armorum, vis omnis abit, vix castra subivit;
Extemplo cecidere animi, gelidusque cucurrit
Ima per ossa tremor, gaudensque ululavit Enyo.
Ergo ubi castra vigil tuta statione locavit Pugna committitur.
Cura ducum, et iusso. Stetit acer in aequore miles
Classica ferali gemuerunt tympana planctu;
Increpuere tubae, et rauci canor horridus aeris
Fit fragor Aetnaeo vibrata tonitrua bombo
Horrendum intonuere, crepant convexa boatu
Ad coelum exundat vortex mugire videres
Omne nemus reboant sylvae montana resultant,
Exurdat vicina tonus, pluit aereus imber, 157
Concurrunt per inane faces, volat ignea lampas
Per nymbos, totisque in praelia viribus iter,
Sicut ubi Arctoi rabies Aquilonis in axe
Aeolius rupit postes et carcere laxo
Tortum imbrem, piceoque trahens per nubila Cauros
Insedit pelago, atque minas effudit in aequor,
Saevit hyems, frendunt sylvae, ruit aestus arenas,
Nutat Atlas, titubant axes, ferit aethera murmur;
Pannonius volat in mediis pedes alite planta
Flammeus, et numeri damnum virtutibus implet.
Fit via vi, cedunt cunei, confertaque inundat
164