Oldal 164 [164]
2270
2275
2280
2285
2290
2295
2300
2305
Haec et inaccessas Alpes et Caspia claustra
Effregit, clypeo coeli, armorumgue ruinas
Carpathias hyemes galea tulit, inde per enses,
Per fraeta, per rupes geminumque cucurrit Atlanta,
Si periere patres, vivit genus, inclyta restat
Progenies, vis est eadem, nunc Ungara virtus
Erigere, audacique nefas ulciscere dextra,
Fer clypeum Bellona mihi, galeaque nitenti
Sanguineas suspende nepas, tu tinge cruore
Fraena Pavor, tu iunge feros Formido iugales!
Vos Haemi gelidae valles, te Vistula testor,
Vix unquam tanto creverunt sanguine rivi
Sarmatici, Arctoos satiabo cadavere pisces.
Alpinae gaudete ferae, gaudete volucres,
Quas Tanais, quas Strymon alit, prodite latebris
Tigrides, humanoque lupi pinguescite farto.
Ipsa peregrinos iam degener herba sapores
Induat, hostilique seges nutrita cruore
Liveat horrentemque fuget pallore colonum,
Dixit, et indomito solidatam adamante bipennem
Trans freta, trans nymbos dextra indignante rotavit
Vociferans, stupet altus Athos planxere Napaeae
Istrides, exsanguemque gelu timor alligat Hebrum,
Totaque prostratis tremuerunt Ismara ramis.
Haec volat, et celeri liquidum per inane meatu 154
Desiluit belli media, ingentique replevit
Corda Deo, sensere Hunni, signumque benignum
Agnovere patris flagrat spe concita Virtus,
Accenditque viros animosi gloria leti.
Ilicet expediunt cuneos et in aequor apertum
Caeruleum effundunt cornu, stat prona iuventus
Signa ducis nutumque sequens et certa triumphi
Gaudet et arcano fervet sub pectore virtus, Instructio pugnae.
Parte alia ingentes non segnius explicat alas
Nigra cohors, tollunt aquilas fremit aequore toto
Instratus ferro sonipes ventosque lacessit,
Ignescunt galeatae acies, animataque Phoebo
Aera rubent, latoque volant incendia campo
Laetus adhuc belli vultus, nec decolor aurum
Caede viri, nondum clypeorum argenteus orbis
Nat sanie, constant acies, est integer ordo,
162