Page 132 [132]
1075
1080
1085
1090
1095
1100
1105
1110
1115
Eruis abstrusa ingeniti primordia mundi
Unde fluant vitae, unde citae celer impetus aethrae
Ut levis a centro consurgere nititur aer, 111
Terreaque adverso suspendit pondera nisu
Annua cur Solis, cur menstrua functio Lunae,
Cur Boreas abigat nubes, cur praeparet Auster
Cur pontus metas metuat transire, vel unde
Parrhasis occiduo, non mergitur ursa profundo.
Unde draco, unde faces, infaustaque barba Cometae
Fulmina, nix, grando, procellae, chasmata venti.
Unde poli tenor aeternus, genialis et ille
Astrorum sonor, unde anni et certissimus error
Ille planetarum. Quicquid Memphiticus Hermes
Chaldaei quaecunque tegunt mysteria vates
Excutis, his Graio Latium cum fonte leporem
Isocratis iungis numeros, Demosthenis alti
Eloquium, Livii annales, abscondita Plinii,
Plautinosque sales, tersi figmenta Terentii.
Perdius et pernox facunda volumina Tulli
Lecturiens chartae indormis, fessusque legendo
Languida vix aperis lasso quoque lumina lychno:
Mox tempestivo laxans tot seria lusu
Vatibus indulges, quoties Pharsalica castra
Maeoniumque senem, et divinam Aeneida versas
Ignibus herois ardes, miraris Achillem
Sternentem Phryges, et caelum clamore ruentem,
Ut pius Aeneas, ut magni spiritus ingens
Hectoris assurgat contra Mavortis, et instar
Ense metat fontes animas, ut puppibus ignem
Immittat Danais, cedat septemplice pelta
Bellipotens Aiax, ut saeviat igneus Hector
Pro patre, pro dulci patria pro Ilio alto 112
Qualis Carpathio bacchatur in aequore Caurus,
Qualis pro tenero tigris Garamantia faetu.
Hic acuis mentem stimulis, privata relinquens
Inde forum repetis, te discutiente quiescunt,
Difficiles inimicitiae, discordia, lites,
Nec mirum, sic te Virtus ita Pallas amicat,
Ut rapias quocunque libet, distractaque corda:
Associes tanta est Pyliae facundia linguae,
Ac si dulciloquo vocalis pectore Syren
130