Seite 109 [109]
OCR
270 275 280 285 290 295 300 Cresce puer divine, licet guo vindice vinctos Impia disiectis iuga detrectare catenis: Currite felices felicia licia fusi. Te nascente fluunt anni meliore metallo, Te nascente redit vivus calor urbibus aegris, Te nascente audent canae procedere leges, Currite felices felicia licia fusi. Macte animo puer Ungarico, tu maximus ille es Unus, qui patriae veniat modo iusta iuventus. Cunctando amissam, pugnando restitues rem, Currite felices felicia licia fusi. Te duce Sithonios in vincula belliger Hunnus Thracas aget, coeloque iterum te praeside surget Hunnus honos, domitoque iterum dominabitur Haemo, *? Currite felices felicia licia fusi. Hic tibi Sarmaticas innectet Moscha catenas.'? Arctoi gaudete duces, gaudete, receptae Vistulades, niveoque diem numerate lapillo, Currite felices felicia licia fusi. Aspicio flentem Tanaim, videorque videre Sanguine sudantes campos et fulgere in armis Magnanimo heroas respersos pulvere belli, Currite felices felicia licia fusi. Magna loquor, video redivivae moenia Budae Bellogradumque potens et amaeni iugera Dravi Atque triumphati fatalia fraena Poloci,'* Currite felices felicia licia fusi. 83 Impia non ultra bacchabitur orbe Megaera, Cessabunt Erebi leges, et pace sequestra Melle fluet felix tellus, pluet aureus imber, Sistite felices felicia licia fusi! Atropos haec caecinit, geminae assensere sorores, Annuit omnipotens variis assensibus aether; Infremuit Natura parens praescita Dearum, Sanxit, et aeterni solvit se concio coeli. 107
