Page 104 [104]
OCR
70 75 80 85 90 95 100 105 Stephanu genethlia. Iampridem opprobrium titulis, et inania regni 75 Pondera, et edomiti ludibria viximus Haemi, Nascere magne pater patriae, quo vindice fasces Maiorum canasque iubent procedere leges Infensi quondam superi, praesagia magnae Indolis agnosco, video, felicia nasci Saecula, et optatam Ungariae revirescere pacem; Audio Amiclaeos, praesagum carmen olores Cantare, et cunas blando lustrare volatu Sarmatici ducis; ecce novum mitescit in aurum Natura cogente chalybs, iam flumina lactis Flumina mellis eant, iam sudent balsama silvae In falces abeant gladii, fluat amnibus aurum Nectare et ambrosia tumeat Mavortius Ister. Tu vero, Stephane, ingentes accingere ad orsus Bellipotens, en tota tuum coniurat ad ortum Machina, et aeterni spirant praesagia coeli. Te nascente ferum cecinit Chaldaeus aruspex Auspicium Arsacidis, augur te agnovit Hetruscus Nascentem, aspectisque Aegyptus horruit astris. Te Clariae sacer horror aquae tripodesque deorum, Te Persae stupuere magi, te sensit aruspex. Cortina trepidante Tages, te Marmaris ara, 76 Te Pelusiaci praedixit victima Lagi. Phocaico nunquam tantum mugivit ab antro Alma Themis, nunquam tam veri numinis aestro Fatidicos fudit Dodonia quercus elenchos. Miratur Babylon nodosae robura clavae, Et fidos arcus et avitae tela pharetrae Iratos fregisse Deos, lamenta vagantur Per populos, vetitumque nives texere Canopum. Hostia nulla placet superis, non anser Osirin, Non placant fruges Cererem, non cerva Dianam, Non haedus Bromium, sus Maiam, capra Minervam, Non furvae Plutona boves, Ergenna bidental Expavet, in Boream flamen canit exta dialis Crescere, defectisque Nothon marcescere fibris. Illic et lapidum fletus et flumina dextra Attonitos terrere magos partusque sinistri 102
