Page 193 [193]
OCR
13% Ova Gallinae cubanda pro meliori successu ponunt imparia, et Pullos praeterea 14° recens eductos foemina in domum illatura ad olam aliquam eosdem ponit, de ola illos exceptura signat, eandem frequentibus crucibus, hisce incantans: culter et ola sit tuus interitus. Quin et 15® post demissum cadaver demortui in Tumulum, et ante plenariam inhumationem, in signum elemosynae observavi alteri Gallinam trans sepulchrum in tumulum recens demissum dari, quod aeque superstitionis aliquam speciem redolere videtur. 16° Si oculus nescio qua albedine afficiatur, et obducatur, indeque male affectus sit, pro recuperanda in hoc infirmitatis, uti plurium etiam aliarum casibus exquirunt incantamenta et amuleta. 17° Dum quis incidit in affectionem oculorum vulgo caecitatem Gallina ex eo dictam, quod mox ut primum advesperasceret, visus oculorum debilitetur, et parum aut nihil de nocte videat non minus ac ipsa Gallina sub nocturnu Tempus, ad quem proinde morbum curandum dupplex potissimum remedium, quod speciem superstitionis praesefert, adhiberi observavi: 12 Si comedat renes agni nigri die praesertim pascali: alterum si vas aliquod cum aqua ponatur in Gallinario mane usque, ac dein tali aqua suos oculos bene abluat; idque ter aut saepius etiam repetat, persuadetur, hisce applicatis remediis visum oculorum restitum iri. Praeterea 18°° observavi non minus a rudi Plebecula, quam et aliis melioris conditionis hominibus Philocteriis e filo contextis subinde nomina plura, quae soli B.[eatae] M.[ariae] Virgini convenirent, inscribi, et Thus aliaque advolvi; quandoque autem Reliquias Sanctorum assumi, atque ut talia suis collis appendi, et cirumligari, ex illa superstitiosa utique opinione, quod existimarent, per gestationem id genus Amuletorum, et Philacteriorum partim se liberari ut ajunt ab obsessione Doemonum; partim vero adversus eandem protegi, ac etiam contra quascunque insidiosas inimicorum machinationes, et molitiones praemuniri, Profecto quisquis talia gestat, si minus credat hisce praecise sive nominibus, seu reliquiis Sanctorum propriam inesse curandi aegritudines virtutem, aut quemcumque ab immundis Spiritibus praeservandi; nec fiduciam salutemque seu spiritualem sive corporalem in iisdem reponat, quin potius omnem quam eisdem venerationem exhiberet, ad sua Prototypa esse relativam existimaret; ac proinde non nisi de sursum ab omnipotenti divino Numine respectu etiam meritorum Sanctorum, sive suorum amicorum, quorum reliquiis congruam aliquam juxta Spiritum tamen Ecclesiae venerationem et honorem praestaret, obtineri crederet; a macula superstitionis absolvi adhuc videretur. Verum enim vero cum rudes longe aliam ideoque de iisdem conceptam habeant diversam utpote a sensu Ecclesiae, siquidem spem et fiduciam suae curationis salutaris in iis praecise figant, reponantque tum ex hac ratione, cum etiam, quia earundem venerationi per id non consuleretur, e causa publicae utilitatis ejusmodi Philacteriorum usum abolendum consultum videri. Sed et 1922 illam opinionem imprudentibus quorumdam mentibus se insinuasse adverto, quod siquem infantum ignota aliqua infirmitate corripi, agitarique contingat, mox arbitrentur eum esse energumenum; proindeque nomen baptismale, quodcumque ipsi datum fuerit, 192
