Oldal 436 [436]
OCR
Oremus Deus conditor et defensor generis humani, qui hominem ad imaginem tuam for masti: respice super hunc famulum tuum N., qui dolis immundi spiritus appetitur, quem vetus adversarius, antiquus hostis terrae, formidinis horrore circumvolat, et sensum mentis humanae stupore defigit, terrore conturbat, et metu trepidi timoris exagitat. Repelle Domine virtutem diaboli, fallacesque ejus insidias amove; procul impius tentator aufugiat: sit nominis tui signo + (in fronte) famulus tuus munitus, et anima tutus et corpore. Tres cruces sequentes fiant in pectore daemoniaci. Tu pectoris + hujus interna custodias. Tu viscera + regas. Tu + cor confirmes. In anima adversatricis potestatis tentamenta evanescant. Da Domine ad hance invocationem sanctissimi nominis tui gratiam, ut qui hucusque terrebat, territus aufugiat et victus abscedat, tibique possit hic famulus tuus, et corde firmatus, et mente sincerus, debitum praebere famulatum. Per dominum nostrum Jesum Christum flilum tuum, qui tecum etc. R. Amen. Exorcismus Adjuro te serpens antique, per judicem vivorum et mortuorum, per factorem tuum, per factorem mundi, per eum, qui habet potestatem mittendi te in gehennam, ut ab hoc famulo Dei N., qui ad ecclesiae sinum recurrit, cum metu et exercitu furoris tui festinus descedas. Adjuro te iterum + (in fronte) non mea infirmitate, sed virtute Spiritus Sancti, ut exeas ab hoc famulo Dei N, quem omnipotens Deus ad imaginem suam fecit. Cede igitur, cede non mihi, sed ministro Christi. Illius enim te urget potestas, qui te cruci suae subjugavit. Illius brachium contremisce, qui devictis gemitibus inferni, animas ad lucem perduxit. Sit tibi terror corpus hominis + (in pectore), sit tibi formido imago Dei + (in fronte). Non resistas, nec moreris discedere ab homine isto, quoniam complacuit Christo in homine habitare. Et ne contemnendum putes, dum me peccatorem nimis esse cognoscis. Imperat tibi Deus +. Imperat tibi majestas Christi +. Imperat tibi Deus Pater +, imperat tibi Deus Filius +, imperat tibi Deus Spiritus + Sanctus. Imperat tibi sacramentum crucis +. Imperat tibi fides sanctorum apostolorum Petri et Pauli, et ceterorum sanctorum +. Imperat tibi martyrum sanguis +. Imperat tibi continentia confessorum +. Imperat tibi pia sanctorum et sanctarum omnium intercessio +. Imperat tibi Christianae fidei mysteriorum virtus +. Exi ergo transgressor. Exi seductor, plene omni dolo et fallacia, virtutis inimice, innocentium persecutor. Da locum dirissime; da locum impiissime; da locum Christo, in quo 435
