Seite 419 [419]
OCR
Oremus Domine Deus omnipotens, rex aeternorum et moderator omnium saeculorum, incorruptibilis, invisibilis et immensae majestatis, magnus et incompresibilis rector, potens et immortalis Adonay magne et mirabilis Deus deorum, omniumque creator, qui sedes super cherubim et seraphim, Deus, et pater domini nostri Jesu Christi, pater misericordiarum, et totius consolationis, te suppliciter deprecamur, ut tua potenti virtute, per passionem ejusdem filii tui dissolvere digneris omnia maleficia, ligamina, incantationes diaboli et ministrorum ejus huic famulo tuo (ve lae tuae) N. arte diabolica, sicut destruxisti magica figmenta magorum Aegyptiorum, et non permittas illi amplius nocere, sed libera eum (vel eam) ab omnibus maleficiis, incantationibus, fascinationibus, ligaturis, signaturis, et facturis, ac malis umbris, et dissolve omnia praestigia, et omne opus nefarium Satanae illi factum, aperi domine Deus meus januam misericordiae tuae et libera eum (vel eam) per intercessionem Beatae Mariae matris domini nostri Jesu Christi, et per omnes sanctos angelos, archangelos et thronos, dominationes, principatus et potestates, virtutes, cherubim et seraphim et per Joannem baptistam, S. Joachim, S.P.N. Benedictum, per omnes sanctos patriarchas et prophetas, apostolos, martyres et confessores, atque doctores, per omnes sanctos sacerdotes, et levitas, monachos, et eremitas, per omnes sanctas virgines, viduas, et continentes, et per totam coelestem curiam et sicut liberasti Susannam de falso crimine, David de manu Goliae, Judith et populum suum de manu Holofernis ducis regis Assiriorum, sic liberare digneris hunc famulum tuum (vel lam tuam) N. ab omni potestate diaboli et ministrorum ejus. Et disrumpe omnia vincula maleficiorum atque constringe omnia maleficia, incantationes, fascinationes, ligaturas, signaturas, facturas, et omne opus diaboli, et machinationes ejus. Per eum, qui venturus est judicare vivos et mortuos, et saeculum per ignem. Amen. Conjuratio Conjuro vos + doemones, et omnia, qua per maleficium diaboli noxia et nociva estis huic creaturae Dei N., per Deum omnipotentem, qui divisit lucem a tenebris stabiens coelos et eis mensuras ponens, et per illum, qui locutus est Moysi in monte Synai, quando legem dedit filiis Israel, et qui in deserto per quadraginta annos satiavit eos manna, et ex petra aquam eduxit eis ad bibendum, ut statim et sine mora recedatis ab ea, et eam sine laesione relinquatis. Conjuro vos + iterum per Deum omnipotentem Patrem domini nostri Jesu Christi, et per Filium ejus, et per Spiritum Sanctum paraclytum, vobisque praecipio quaecunque noxia, vel nociva estis sive in anima, sive in corpore, sive jam facta, sive fienda, sive colligata, sive commissa, sive missa a quocunque doemone 418
