Oldal 385 [385]
OCR
parvulos venire ad me, et nolite prohibere eos, talium est enim regnum coelorum. Respice, quaesumus ad hujus pueri (puellae) innocentiam, et ad parentum ejus devotionem, et clementer eum per ministerium meum bene+dicere, et in gratia tua confirmare digneris: ut ab insidiis diaboli liberatus in bono semper proficiat, teque creatorem et redemptorem suum diligat, timeat, mandata tua custodiat, et ad finem optatum perveniat. Per te Christe Jesu, salvator mundi, qui vivis et regnas etc. Oremus Omnipotens sempiterne Deus, conserva puerum istum, et virtute Spiritus Sancti vitam illius sanctifica, sanitatem confer, prospera tribue, pacem concede, atque ab omnibus humanis et diabolicis insidiis tua protectione defende. Angelus tuus sanctus ei in custodiam deputatus, illi bene+dicat, et nomen sanctum tuum super eum jugiter invocetur. Crescat in multitudinem dierum, et ad gaudia paradisi perveniat. Per Christum dominum nostrum, Amen. Aspergatur et dicatur: Benedictio Dei omnipotentis Patris, + et Filii, + et Spiritus San+cti descendat super vos, et maneat semper, Amen. b) Rontás esetén [Az a) szertartás folytatása, önálló cím nélkiil] AD 1774, 161-162. Si proli maleficium sit illatum, sequens addatur exorcismus. Tenens prolem et praesentes genuflexi actus fidei et fiduciae eliciant. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Oremus Domine Jesu Christe, Fili Dei vivi, qui dedisti apostolis et fidelibus tuis potestatem super omnia daemonia, et ut langvores curarent; te suppliciter exoramus, ut per merita et intercessionem beatissimae matris tuae, omniumque sanctorum tuorum, infantem istum, ab omni potestate Satanae et ministrorum ejus potenter eripere, atque ab omni aegritudine clementer liberare digneris, qui vivis et regnas, etc. Exorcismus firmissima fide et clara voce faciendus. 384
