Page 353 [353]
OCR
muniti et defensi esse mereantur; tuisgue mysteriis apte et condigne servire et inhaerere, atgue in his tibi placite et devote perseverare tribue. Per Christum dominum nostrum. Resp. Amen. Oremus Deus, invictae virtutis triumphator et omnium rerum creator et sanctificator, intende propitius preces nostras, et haec indumenta leviticae, sacerdotalis et pontificalis gloriae, ministris tuis fruenda, tuo ore proprio benedicere +, sanctificare +, et consecrare + digneris: omnesque eis utentes, tuis mysteriis aptos, et tibi in eis devote ac laudabiliter servientes, gratos efficere digneris. Per dominum nostrum Jesum Christum etc. Resp. Amen. Oremus Domine Deus omnipotens, qui vestimenta pontificibus, sacerdotibus et Levitis in usum tabernaculi foederis necessaria Moysen famulum tuum agere jussisti, eumque spiritu sapientiae ad id peragendum replevisti: haec vestimenta in usum et cultum mysterii tui benedicere +, sanctificare +, et consecrare + digneris, atque ministros altaris tui, qui ea induerint, septiformis spiritus gratia dignanter repleri, atque castitatis stola beata facias cum bonorum fructu operum ministerii congruentis immortalitate vestiri. Per Christum dominum nostrum. Resp. Amen. Deinde aspergit ipsa indumenta aqua benedicta. b) Ruha Benedictio indumenti AD 1774, 152-153. V. Adjutorium nostrum in nomine domini. R. Qui fecit coelum et terram. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Oremus Domine Jesu Christe, qui tegumen nostrae mortalitatis induere dignatus es: obsecramus immensam tuae largitatis abundantiam, ut hoc genus vestimenti ita bene+dicere et sancti+ficare digneris, ut quis illud assumere intendit exterius, te intus veraciter induere mereatur. Qui vivis et regnas etc. 352
