Seite 329 [329]
OCR
Oremus Domine potens in praelio, Deus ultionum, et pater patrum nostrorum, qui per Moysen et prophetas antiquorum voluminum scriptores etiam tuae divinae bonitatis mysteria divinitus revelasti, et per sanctos evangelistos, et apostolos tuos Novi Testamenti filii tui paginam scribi voluisti: quique per Jeremiam prophetam tuum cadaver Joachim regis Juda projiciendum ad aestum per solem, et ad gelu per noctem eidem nunciasti; quoniam tres pagellas, vel quatuor cum Juda legisset in libro a Baruch filio Nerie ex ore Jeremiae scripto, eundem in ignem injecit; atque comburi fecit: beneditcere, atque sanctitficare digneris hanc chartam, ut quicunque te vel sacris scriptam, vel sacra concludentem, super se portaverit, ita misericordiam tuam gaudeat adfuisse, ut et ipse sathanas, et ab ipso immissae oppressiones tam maleficorum, quam incantationum omnium confundantur, conterantur, amoveantur, et in infernum dejiciantur. Per te Deus trine in personis, unus in essentia, aequalis vivens, in saecula saeculorum. R. Amen. Aspergatur aqua benedicta, etc. j) Szent Benedek érméje és keresztje Benedictio numismatum et crucum sanctissimi patris nostri Benedicti SAB 1697, ff. 6r—12v. Sacerdos ordinis sacri ejusdem finita missa rediens ad sacristiam habeat parata aquam lustralem, crucem inter duas ardentes candelas benedicturus accedit indutus, ut recessit ab altari sacris vestibus. V. Adjutorium nostrum in nomine Domini R. Qui fecit coelum et terram V. Dominus vobiscum R. Et cum spiritu tuo Oremus Omnipotens sempiterne Deus, qui sacerdotibus tuis prae caeteris tantam gratiam contulisti, ut quidquid ab eis in tuo nomine digne perfecteque agitur, a te fieri credatur. Quaesumus immensam clementiam tuam, ut quod modo benedicturi sumus, bene+dicas, et ad ea, quae acturi sumus, dexteram tuae potentiae extendas; sintque ad nostrae humilitatis preces sanctissimi patriarchae Benedicti meritis fuga doemonum et angeli pacis ingressus. Per Christum dominum nostrum. 328
