Page 327 [327]
OCR
mus ** MRA Oratio contra omnes, tum maleficorum, tum daemonum incursus Qui verbum caro factum est, et in cruce affixus, sedensque ad dexteram Patris, ut credentium exaudiat preces, ille per suum sanctum nomen, cui omne genu flectitur, ac per merita virginis et matris ejus, nec non per preces omnium sanctorum et sanctarum Dei, praeservare ab omni maleficorum ac daemonum incursu dignetur; qui in unitate perfecta vivit et regnat. Ecce + domini nostri Jesu Christi, in qua salus, vita et resurrectio nostra, confusio omnium maleficorum ac daemonum, fugite ergo partes adversae. Nam ego conjuro vos daemones infernales et spiritus malignos, cujuscunque generis, ita praesentes, sicut absentes, quomodocunque et subquocunque praetextu, aut vocatos, aut invocatos, aut sponte, aut missos, seu per incantationem, seu per artem malorum hominum, aut mulierum, praeparatos ad habitandum vel molestandum, quatenus semota diabolica fraude incontinenter abeatis, per + Deum vivum, verum +, sanctum +, Patrem +, Filium +, et Spiritum Sanctum, praesertim per eum, qui in Isaac est immolatus, + in Joseph venundatus, + in agno occisus, in homine crucifixus. In cujus sanguine vicerunt vos, quando Michael pugnavit vobiscum, et fecit victoriam, recedite, appropinquantes retrocedite, nec valeatis sub quocunque praetextu molestare creaturam istam, nec in corpore, nec extra corpus, nec per visionem, nec per terrorem, neque de die, neque de nocte, nec dormiendo, nec vigilando, nec comedendo, nec orando, nec aliquid naturale, aut spirituale faciendo, aliter vobis infundo omnes maledictiones, excommunicationes, + et poenas tormentorum, detrusis in stagnum ignis et sulphuris per manus inimicorum vestrorum, Sancta Trinitate jubente, Michaele archangelo exequente. Nam si tenemini aliquo vinculo praecepti, adorationis, suffumigii, innodationis, artis, et facturae, ad quemcunque perversum finem et effectum compilato et fabricato, sive in herbis, verbis, lapidibus elementalibus, sive naturalia sint, sive simplicia, aut missa; temporalia aut spiritualia, aut sacramentalia, aut in nominibus magni Dei, aut angelorum, sive in caracteribus, horis, minutis, diebus, anno, mense, superstitiose observato, cum pacto expresso, aut tacito, etiam 326
