Seite 289 [289]
Oremus
Domine Deus omnipotens, cui adstat exercitus angelorum cum tremore, quorum
servitium spirituale cognoscit, dignare respicere, bene+dicere et sancti+ficare
has herbas cardum et salviam, quas de terra eduxisti et eis infirmos suffumigare
mandasti, quatenus sanitate percepta, tibi Deo vivo et vero gratias agerent.
Praesta quaesumus, ut hi, qui his herbis, quas in tuo nomine bene+dicimus usi
vel suffumigati fuerint, ab omni langvore, omnique infirmitate et a cunctis
insidiis inimici liberentur, et cunctae adversitates separentur a plasmate tuo,
quod pretioso sangvine fılii tui redemisti, ut nunquam laedatur a morsu serpentis
antiqui. Per eundem dominum Jesum Christum. Amen.
Aspergat aqua benedicta.
288