Oldal 285 [285]
OCR
c) Ruta, tömjén, borókamag Fumigatio daemoniacorum ad expellendum diabolum et veneficia solvenda FI 1739, 70—72. Accipe rutham, thus et grana juniperi, et benedic illa, ut seguitur: et sicut habetur in Thesauro exorcismorum pag. 143. V. Adjutorium nostrum in nomine domini. R. Qui fecit coelum et terram. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Exorcizo te creatura ruthae, thuris et grani juniperi, per Deum + vivum, per Deum + verum, per Deum + sanctum. Per sanctissimam trinitatem, Patrem +, et Filium +, et Spiritum + Sanctum. Per Deum, qui omnia creavit ex nihilo; per Deum, qui expulit pravos angelos ad inferiora. Per Jesum Christum filium ejus, dominum nostrum, qui dabit praedestinatis regnum aeternum, et reprobis ignem infernalem perpetuum. Per omnia nomina sancta Dei con+juro et exorci+zo te, ut sis in defensionem nostram, et efficiaris perpetua fumigatio exorcizata, bene+ dicta et conse+crata in salutem nostram, et omnium fidelium christianorum: sitque perpetua poena omnibus malignis spiritibus, et fortissimus ignis eorum, magis quam sit damnatis spiritibus sulphur et ignis infernalis. Et omnia supradicta sint vobis defensio et perpetua expulsio, atque suffumigatio omnium spirituum, et solutio omnium ligaminum et facturarum, ac praestigiorum: ita, ut nihil praedictorum nos, nec hanc creaturam Dei N., neque locum, in quo moratur modo aliqua, offendere et impedire valeant. Per eum, qui venturus est judicare vivos et mortuos, et saeculum per ignem. Amen. Oremus Ineffabilem clementiam tuam omnipotens aeterne Deus humiliter imploramus, ut sicut tu unus es in essentia et trinus in personis, scilicet: Pater, Verbum et Spiritus Sanctus, ita bene+dicere et conse+crare digneris per immensam clementiam et pietatem tuam hanc creaturam fumigationis, ut sit omnibus ipsam sentientibus odor et defensio perpetua contra omnes malignos spiritus, omnesque incantationes, praestigias et maleficia; sitque perpetua expulsio malignorum spirituum; praestigiorum annihilatio; solutio ligationum et dissolutio omnium maleficiorum; et in quemcunque locum odor ejus pervenerit, nullus spiritus, nulla incantatio, nulla fascinatio, nullum maleficium, nullaque molestia maligni spiritus possit durare, neque stare, et quicunque odorem hujus fumigationis 284
