Page 284 [284]
Oremus
Propitiare famulis ac famulabus tuis Domine Deus, ob gloriam sanctissimi
nominis tui, qui tibi fide deserviunt, et caelestia dona sperant, ut tua benedictio
per has herbas floresque ipsis proficiat ad tutelam corporis animaeque, et flores ac
herbas istas tua benignitas bene+dicendo benedicat; atque praesidiis tuae gratiae,
quod speramus et credimus una fide catholica insigniti, consequi mereamur et
laudabiliter obtinere valeamus per eum, qui nos in cruce redemit et salvavit.
Amen.
Aspergatur aqua benedicta.
b) Ruta
Benedictio ruttae contra veneficia doemoniaca
SAB 1697, ff. 22r-22v.
V. Adjutorium nostrum in nomine Domini
R. Qui fecit coelum et terram.
Oremus
Bene+dic Domine Jesu Christe hanc creaturam ruttae, et infunde ei per virtutem
sanctae crucis tuam benedictionem coelestem, ut ei, qui ex ea fumigatus fuerit,
vel super se eam habuerit, nullus inimicus nocere possit, et in quibuscunque locis
posita fuerit vel portata, ab eis discedat et contremiscat diabolus, et defugiat
pavidus, et non praesumat amplius inquietare et illudere creaturis tuis. Proinde
supplico tibi domine, ut sanctum angelum tuum Raphaelem mittas, qui evulsit et
expulit a Sara et Tobia doemonem mortiferum, ut illum conterat et perdat de
cunctis animabus colentibus Deum, et de balneis, et de lectulis, et de omnibus
locis in quibus Deo famulantes habitant et requiescunt, vigilant et consistunt,
non valeat amplius inquietare vel pavores mittere super eos, quos sacri chrismatis
tui unctione fecisti munitos. Qui cum Deo Patre et Spiritu Sancto vivis etc.
Bene+dico te igitur creatura ruttae in nomine SS. Trinitatis, Patris + et Filii +
ejus unigeniti domini nostri Jesu Christi et Spiritus + Sancti, ut sis exterminatio
diaboli et omnium contubernalium ejus, per eum, qui venturus est judicare vivos
et mortuos et saeculum per ignem. Amen.
Aspergatur aqua benedicta.
283