Oldal 267 [267]
OCR
Oremus Bene+dic Domine hanc creaturam segetum, ut sit remedium salutare humano generi: et praesta per intercessionem nominis tui gloriosi, ut quicunque ex ea sumserint, sanitatem mentis et corporis, animaeque tutelam percipiant. Per Christum dominum nostrum. R. Amen. Hinc evangelium quod sequitur, cantetur versa facie ad meridiem. Vers. Dominus vobiscum. Resp. Et cum spiritu tuo. V. Sequentia sancti evangelii secundum Marcum. Resp. Gloria tibi Domine. Marci ult. In illo tempore: Recumbentibus undecim discipulis, apparuit illis Jesus [...] Responsor. Ite in orbem universum, et praedicate, dicentes, Alleluja. Qui crediderit et baptizatus fuerit, salvus erit, alleluja, alleluja, alleluja. Vers. In nomine Patris, et Filii, et Spiritus Sancti. Qui crediderit et baptizatus fuerit, salvus erit, alleluja, alleluja, alleluja. Gloria Patri, et Filio, et Spiritui Sancto. Alleluja, alleluja, alleluja. Oremus Omnipotens sempiterne Deus, arbiter throni, qui molem terrae ex nihilo pendentem gubernas, et ad usum humani generis, corporisque sustentationem, agros operibus excolere jussisti, misericordiam tuam supllices exoramus, ut quidquid in hos agros salubriter seminatum atque plantatum est, aspectu tuae clementiae prospicias, et aeris temperiem misericorditer moderari digneris, ut resecato, atque absorpto omnium tribulorum spinarumque squalore, efficiatur secundum et ad maturitatem perfectam tribuas pervenire; ut nos famuli tui, licet indigni, uberem tuorum donorum fructum cum gratiarum actione percipientes, debitas atque acceptabiles sancto nomini tuo laudes referre mereamur. Per Christum dominum nostrum. R. Amen. Tandem evangelium subsequens cantetur, versa ad occidentem facie. Vers. Dominus vobiscum. Resp. Et cum spiritu tuo. 266
