Page 266 [266]
OCR
Christe audi nos. Christe audi nos. Kyrie eleison. Christe eleison. Kyrie eleison. Pater noster [...] Vers. Et ne nos inducas in tentationem. Resp. Sed libera nos a malo. Vers. Domine exaudi orationem meam. Resp. Et clamor meus ad te veniat. Vers. Dominus vobiscum. Resp. Et cum spiritu tuo. Oremus Pietatem tuam quaesumus omnipotens Deus, ut has primitias creaturae tuae, quas aeris et pluviae temperamento nutrire dignatus es, bene+dictionis tuae imbre perfundas; et fructus terrae usque ad maturitatem perducas. Tribuas quoque populo tuo de tuis muneribus tibi semper gratias agere, ut a fertilitate terrae, esurientium animas bonis affluentibus repleas, et egenus et pauper laudent nomen gloriae tuae. Per dominum nostrum Jesum Christum filium tuum, qui tecum vivit et regnat in unitate Spiritus Sancti Deus, per omnia saecula saeculorum. Resp. Amen. Postea versa facie ad orientem, et praemisso Versu: Dominus vobiscum. Resp. Et cum spiritu tuo, cantetur: V. Initium sancti evangelii secundum Ioannem. Resp. Gloria tibi Domine. Ioan. 1. In principio [...] Finito evangelio dicatur responsorium: Verbum caro factum est, et habitavit in nobis; et vidimus gloriam ejus, gloriam quasi unigeniti a Patre, plenum gratiae et veritatis. Vers. In principio erat Verbum, et Verbum erat apud Deum, et Deus erat Verbum. Et vidimus gloriam ejus, gloriam quasi unigeniti a Patre, plenum gratiae et veritatis. Gloria Patri, et Filio, et Spiritui Sancto. Plenum gratiae et veritatis. Deinde sacerdos dicit orationem. 265
