Seite 259 [259]
OCR
Clerus et populus hora statuta mane in ecclesia congregati, omnes contrito et humili corde Deum flexis genibus paulisper precentur. Sacerdos pluviali cum ministris, vel saltem superpelliceo et stola violacei coloris sit indutus, cujus coloris habitu in reliquis processionibus semper utatur; praeterquam in processionibus Corporis Christi, et quae fiunt solemnibus diebus, vel in gratiarum actionem; quibus diebus utitur colore propriae solemnitati congruenti. Ceteri vero sacerdotes et clerisi superpelliceis induti, sequentem antiphonam stantes concinant: Antiphona. Exaudi nos Domine, quoniam benigna est misericordia tua. Secundum multitudinem miserationum tuarum respice nos Domine. Vers. Salvum me fac Deus, quoniam intraverunt aquae usque ad animam meam. Gloria Patri, et Filio, et Spiritui Sancto, etc. Secundum multitudinem miserationum tuarum respice nos Domine. Quo finito officians dicat: Vers. Propitius esto peccatis nostris Domine. Resp. Propter nomen tuum. Oremus Parce Domine, parce populo tuo, ut dignis flagellationibus castigatus, in tua semper miseratione respiret. Per Christum dominum nostrum. Resp. Amen. Deinde genuflectant omnes, et duo clerici ante altare majus genuflexi devote litanias cantare incipiant, ceteris eadem voce respondentibus. Cum autem cantatum erit, Sancta Maria ora pro nobis, surgunt omnes, et ordinatim procedeunt, egredientes ad locum, in quo segetes benedici debent, litaniasque prosequentes, praecedente cruce, et sequente clero: ultimo loco sacerdos paratus, ut supra dictum est, cum ministris, prout res vel locus postulet, sacris vestibus indutis. Si processio sit longior; vel repetantur litaniae, vel litaniis absolutis usque ad preces exclusive, dicantur aliqui psalmi ex Poenitentialibus, seu Gradualibus. Ubi vero ad segetes perventum fuerit, mox omnibus genufelctentibus, resumuntur litaniae, et juxta rectoris chori discretionem abbreviando decantantur: et tunc sacerdos fruges benedicens, ter dicat versum, Ut fructus terrae dare + et conservare digneris, te rogamus audi nos; choro eumdem ter repetente. 258
