Page 244 [244]
OCR
V. Adjutorium nostrum in nomine domini. R. Qui fecit coelum et terram. V. Domine exaudi orationem meam. R. Et clamor meus ad te veniat. Psalmus [22.]: Dominus regit me, et nihil mihi deerit [...] Lectio libri Levitici c. 23. In diebus illis, dixit dominus ad Moysem: mense primo, quarta decima die mensis [...] V. Dominus vobiscum. R. Et cum spiritu tuo. Sequentia sancti evangelii secundum Lucam. In illo tempore: cum facta esset hora, discubuit Jesus et duodecim apostoli cum eo [...] R. Laus tibi Christe. Exorcismus panis Exorcizo te creatura panis per eum, qui benedicti quinque panes in deserto, et dedit manna patribus nostris in eremo, omne delectamentum in se habens, et omnem saporem suavitatis: ut sit fortitudo et sanitas, et purificatio omnibus ex te sumentibus, ad effugandos omnes spiritus immundos, omnemque nefariam vim diaboli. Per eum, qui venturus est judicare vivos et mortuos, et saeculum per ignem. R. Amen. Oremus Domine Jesu Christe, Fili Dei vivi, qui hodierna die panem non solum benedixisti, sed etiam in verum corpus tuum convertisti, hos panes, quos famuli tui in memoriam sacratissimae coenae tuae benedicendos attulerunt, tua omnipotentia bene+dicere et sanctit+ficare, atque eis tantam virtutem infundere digneris: ut quicunque ex eis cum devotione sumpserint, corporis et animae percipiant sanitatem, a tentationibus diaboli liberentur, atque in bona virtute stabiliantur. Qui vivis et regnas, etc. 243
