Page 215 [215]
OCR
Oremus Omnipotens sempiterne Deus, qui sacerdotibus tuis tantam gratiam contulisti, ut quidquid in nomine tuo digne perfecteque ab eis agitur, a te fieri credatur, quaesumus immensam clementiam tuam, ut quod modo visitaturi sumus, visites, et quidquid benedicturi, bene+dicas, et ad ea, quae acturi sumus, dexteram tuae potentiae extendas, sintque ad nostrae humilitatis introitum (sanctorum tuorum Petri et Pauli, Martini, Patris Benedicti, Amandi, Frodoberti Abbatis meritis) fuga doemonis et angeli pacis ingressus. Per dominum etc. Oremus Deus angelorum, Deus archangelorum, Deus patriarcharum, Deus prophetarum, Deus apostolorum, Deus martyrum, Deus confessorum, Deus virginum et omnium bene viventium, Deus Pater Domini nostri Jesu Christi, te invoco et nomen sanctum tuum ac praeclarae majestatis tuae clementiam supplex deposco, ut mihi auxilium praestare digneris adversus nequissimum spiritum, ut ubicunque sit audito nomine tuo velociter exeat et recedat. Per Christum dominum nostrum. Amen. Adjuro te, serpens antique, per judicem vivorum et mortuorum, per factorem mundi, qui habet potestatem mittere te in gehennam, ut ab hac domo festinus discedas. Ipse tibi imperat maledicte diabole, qui ventis ac mari et tempestatibus imperavit. Ipse tibi imperat, qui te de supernis coelorum sedibus in inferiora terrae demergi praecepit. Audi ergo Sathan et time, et victus et prostratus recede, adjuratus in nomine Domini nostri Jesu Christi, qui venturus est judicare vivos et mortuos, et saeculum per ignem. Amen. Deinde sacerdos incipit psalmos quinque primarios graduales, interim aspergit quatuor angulos domus, psalmis finitis subjungit Kyrie eleison, Christe eleison, Kyrie eleison Pater noster. V. Et ne nos inducas in tentationem R. Sed libera nos a malo V. Domine exaudi orationem meam R. Et clamor meus ad te veniat V. Dominus vobiscum R. Et cum spiritu tuo 214
