Seite 214 [214]
Deinde flexis genibus incipit hymnum
Veni creator spiritus, mentes tuorum visita,
imple superna gratia, quae tu creasti pectora,
qui paraclitus diceris, donum dei altissimi,
fons vivus ignis charitas, et spiritualis unctio,
tu septiformis munere, digitus paternae dexterae,
tu rite promissum Patris, sermone ditans guttura,
accende lumen sensibus, infunde amorem cordibus,
infirma nostri corporis, virtute firmans perpeti,
hostem repellas longius, pacemque dones protinus,
ductore sic te praevio, vitemus omne noxium,
per te sciamus, da, patrem, noscamus atque filium,
teque utriusque spiritum credamus omni tempore. Deo gratias
V. Exurge Christe, adjuva nos
R. Et libera nos propter nomen tuum
V. Adjutorium nostrum in nomine Domini
R. Qui fecit coelum et terram
V. Domine exaudi oratinem meam
R. Et clamor meus ad te veniat
V. Dominus vobiscum
R. Et cum spiritu tuo
Oremus
Actiones nostras, quaesumus Domine, aspirando praeveni, et adjuvando prose¬
quere, ut cuncta nostra oratio et operatio a te semper incipiat, et per te coepta
finiatur. Per dominum nostrum etc.
Respice quaesumus Domine, super hanc familiam tuam, pro qua Dominus noster
Jesus Christus non dubitavit manibus tradi nocentium et crucis subire tormentum.
Qui vivis et regnas etc.
Oremus
Defende quaesumus Domine, Beata Maria semper Virgine intercedente, cum
omnibus sanctis tuis istam ab omni adversitate familiam et toto corde tibi pros¬
tratam, ab hostium propitius tuere clementer insidiis. Per Christum [etc.].
213