Page 199 [199]
OCR
Interim aspergit interius parietes in parte superiori et inferiori, inchoans aspersionem a parte evangelii, dicens: Asperges me Domine, etc. tum ad altare reversus, dicit: Oremus. Flectamus genua. Resp. Levate. Deus, qui loca nomini tuo dicanda sanctificas, effunde super hanc orationis domum gratiam tuam, ut ab omnibus hic nomen tuum invocantibus, auxilium tuae misericordiae sentiatur. Per dominum nostrum Jesum Christum filium tuum, etc. His peractis dicitur missa de tempore occurrenti, vel de sancto. Ecclesia vero quamvis a simplice sacerdote, ut supra, sit benedicta, ab episcopo tamen consecranda est.
