Oldal 175 [175]
OCR
Exstinguat te ignis Deus + Pater, extinguat te Deus + Filius, extinguat te Deus + Spiritus Sanctus; destruat te ignis Deus + Pater, destruat te Deus + Filius, destruat te Deus + Spiritus Sanctus; annihilet te ignis Deus + Pater, annihilet te Deus + Filius, annihilet te Deus + Filius, annihilet te Deus + Spiritus Sanctus. Amen. Iterum aspergat, et dicat: Sanctus Matthaeus, Sanctus Marcus, Sanctus Lucas et Sanctus Joannes, qui Christi evangelium per quatuor mundi partes divulgarunt: ipsi suis meritis et precibus hunc ignem a termino isto, et ab omnibus Christianorum finibus in quatuor mundi partes sine damno fidelium ab eodem domino nostro Jesu Christo removeri et expelli obtineant. Et ego Christi sacerdos et minister, licet peccator maximus, non meis meritis et potentiae innixus, sed meritis et potentiae domini nostri Jesu Christi confisus, praecipio vobis immundissimi spiritus, si forte per vos ipsos, seu per vestros ministros, aut quocumque modo hunc ignem excitatis, ut eumdem protinus exstinguatis, et ad nihilum redigatis. Et hoc ipsum praecipio vobis per ejusdem domini nostri Jesu Christi sanctissimum incarnationem, dulcissimam nativitatem, sacratissimum baptismum, strictissimum jejunium, dolorosissimam passionem, acer bissimam mortem, gloriosissimam resurrectionem, gaudiosissimam ascensionem, et tremendissimum judicium. Nec non per merita beatissimae Virginis Mariae, sanctorum apostolorum, martyrum, confessorum, virginum, et omnium sanctorum, ut amoveatis hunc ignem ab hoc loco, et dispergatis eum in locis incultis, ubi non possit nocere hominibus, nec animalibus, nec arboribus, nec herbis, nec quibuscumque rebus ad humanos usus deputatis. Per eundem dominum nostrum Jesum Christum, qui venturus est condemnare et ad ignem infernalem dejicere vos malignos spiritus et judicare saeculum per ignem. Resp. Amen. Aspergatur aqua benedicta. Oremus Deus infinitae bonitatis et clementiae, qui, cum iratus fueris, misericordiae recordaris; qui per preces famulorum tuorum Moysis et Aaron placatus abstulisti plagam incendii a populo tuo: exaudi preces servorum tuorum, et aufer incendium hoc a fidelibus tuis, ad te tota cordis devotione clamantibus, ut ab imminenti damno liberati gratiarum tibi in ecclesia tua persolvant actiones. Per Christum dominum nostrum. Resp. Amen. 174
