Page 172 [172]
OCR
Oratio Deus, gui per filium tuum angularem scilicet lapidem, charitatis ignem fidelibus contulisti, productum ex silice nostris profuturum usibus, novum hunc ignem sanctitfica, et concede nobis ita per haec festa paschalia coelestibus desideriis inflammari, ut ad perpetua festa purgatis mentibus pertingere valeamus. Per eundem Christum. Oratio Domine Deus noster pater omnipotens, exaudi nos lumen indeficiens, tu sancte conditor omnium luminum, bene+dic quaesumus hoc lumen, quod a te sanctificatum atque benedictum est, qui illuminas omnem mundum, ut ab eo lumine incendamur et illuminemur, scilicet igne charitatis tuae, quo Moysen illuminasti, et hoc lumen tribue cordibus nostris, ut ad vitam aeternam pervenire mereamur. Per Christum dominum nostrum. Oratio Domine sancte pater omnipotens aeterne Deus, benedicentibus nobis hunc ignem in nomine tuo, et unigeniti filii tui Dei ac domini nostri Jesu Christi, et Spiritus Sancti, cooperari dignare et adjuva nos. Qui vivis et regnas cum eodem unigenito tuo et Spiritu Sancto in saecula saeculorum. Amen. Tunc aspergat sacerdos ignem aqua benedicta, moxque accendantur candelae. Deinde incensum thus videlicet in cereo ponendum absolute benedicat hance dicendo orationem. Oratio Veniat quaesumus omnipotens Deus super hoc incensum larga tuae benedictionis infusio, et hunc nocturnum splendorem invisibilis regenerator accende, ut non solum sacrificium, quod hac nocte litatum est archana luminis tui admixtione refulgeat, sed in quocunque loco ex hujus sanctificationis mysterio aliquid fuerit deportatum, expulsa diabolicae fraudis nequitia, virtus tuae majestatis assistat. Per. [etc.] Redeuntibus vero in ecclesiam [...] 171
